(( إطلب العلم من المهد الى اللحّد )) حديث شريف
 
الرئيسيةالبوابةالتسجيلدخول

شاطر | 
 

 هنسحب....،،،،

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نعناعه

avatar

عدد الرسائل : 22
تاريخ التسجيل : 24/07/2008

مُساهمةموضوع: هنسحب....،،،،   30/7/2008, 9:03 pm

السلااااام عليكم...،،،

انا جبت المعلقه الجديده بتاعتى

ويارب تعجبكم زى اللى قبلها



بسم الله


هنسحب
واتحمل كل التعب
ومافيش عليك عتب
ماهو قلبك غالى عليك
وانا قلبي رخصته
سلمته ليك
وف بحر الوهم عيشته
واللوم عليه
اتعلق بيك
وروحه فيك
ومش ناسيك
كان نفسه يكمل معاك
ويتنفس نسيم هواك
ويعيش كل لحظه ف لقاك
كان نفسه يحقق معاك الاحلام
ويرفرف ف سما حبنا حمام السلام
بس الوقت سرقنا
ومافيش فايده م الكلام
لازم امشي وقلبي يفوق
هنسحب بهدؤ
وقلبي كله حنان وشوق
قلبى بص لحب فوق
حب مناله صعب وبعيد
بس اقرب له من الوريد
ماهو مكتوب له يعيش وحيد
وصعب يلاقى يوم سعيد
ولأنه مالوش عندك مكان
عشان مكانه مش فاضي
هيبعد عنك وهو راضي
و عارف انه مش هيكون مجرد ماضي

وهيدور مع حد تانى ع الامان
يمكن ينسى معاه الاحزان
ويتوه ف بحر حبه
وينسى الزمان
وينسى جرحك وقلبك وحبك
اللى كان...
وابقى افتكره بالخير
عشان قلبي حبك بضمير
وكنت عنده غير الغير
وافتكر ان ساب الدنيا عشانك
ولاعمره باعك ولا عمره خانك
وانت ف ثانيه بعته
وبكلامك المسموم جرحته
وبعد كل اللى قلته
وبرغم اللى فى عملته
بيتمنى لك الفرح والحب اللى حرمته منه
ولو احتجته..انهدله..هيسمعك
اصلك مش بعيد عنه
هتلاقيه بين ايديك
ويفهمك من عينيك
ولو طلبت نبضه
مش هيبخل عليك
ما انت نبضه واحساسه
وانت اللى هديته بإيديك




خللللللللصت طويله شويه معلش

انا كنت كاتبها من فتره وحبيت اخد رأيكم وتعبت اوى عشان انقلها وعشان كده عايزه رأيكم بصراااحه .. بلا خوف
الرجوع الى أعلى الصفحة اذهب الى الأسفل
توتة

avatar

عدد الرسائل : 683
العمر : 31
الاوسمة :
تاريخ التسجيل : 16/05/2008

مُساهمةموضوع: رد: هنسحب....،،،،   30/7/2008, 9:20 pm

الله الله الله

يانونا

والله روعة

ودي اقل كلمة تتقال عنها

اوعي تحرمينا من خواطرك الجميلة

ويارب دايما في تالق

لانك متالقة وانشاء الله تفضلي كدة

انتي فنانة جميلة

واستمري في كتاباتك

وحننتظر دايما منك كتابات جديدة

تقبلي تحياتي


توتة

الرجوع الى أعلى الصفحة اذهب الى الأسفل
نعناعه

avatar

عدد الرسائل : 22
تاريخ التسجيل : 24/07/2008

مُساهمةموضوع: رد: هنسحب....،،،،   30/7/2008, 9:41 pm

توتة كتب:
الله الله الله

يانونا

والله روعة

ودي اقل كلمة تتقال عنها

اوعي تحرمينا من خواطرك الجميلة

ويارب دايما في تالق

لانك متالقة وانشاء الله تفضلي كدة

انتي فنانة جميلة

واستمري في كتاباتك

وحننتظر دايما منك كتابات جديدة

تقبلي تحياتي


توتة




توته ياقمر اولا انتى بجد منوووووووووووره الموضوع بوجودك اللى اروع منه والله


ثانيا هو حلو عشان انتى اللى بتقريه ياسكر

ثالثا عشان انتى هتقري كلامى وتشرفيني دايما انا هكتب تانى ياقمر


الف شكر ليكي
الرجوع الى أعلى الصفحة اذهب الى الأسفل
 
هنسحب....،،،،
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الشعر وألأدب-
انتقل الى: